Американската раперка Карди Би (27) и нејзиниот сопруг раперот Офсет (28) на друштвените мрежи се пофалија со својот милионски дом во Атланта кои неодамна го купија. Парот признал дека потрагата по новиот дом не било воопшто едноставна, а ниту кратка.
„Офсет и ја баравме куќа последните две години. Тоа беше вистински ролеркостер на емоции! Куќите кои му се допаѓаа на Офсет секогаш имаа соба која мене не ми се допаѓаше и не можевме да се согласиме, а неколку куќи мене кои ми се свиѓаа, Офсет рече „не“ поради локациите кои не беа добри. Дури размислувавме и за тоа да изградиме куќа, но со семејството е малце повеќе комплицирано. Со помош на агентот за недвижнини и Бог, ја добивме нашата куќа!“, напиша раперката на Инстаграм под видеото кое го објави.
Во видеото раперката направила мала обиколка во луксузната вила која се уште е неуредена. Единствено нешто што се наоѓа во вилата е високиот бор, а Карди Би се пофали со кујната, библиотека, седум спални соби, четири купатила, двор, базен и гаража. Во вилата наводно се наоѓа вински подрум, но и колекција на пиштоли, а нејзината цена изнесува околу пет и пол милиони евра.
Исто така, парот на Инстаграм откри дека подрумот ќе го искористи Карди Б да од него направи соба за разубавување, додека Офсет својот дел ќе го претвори во „машка пештера“ во која ќе ѝ биде забранет влезот на неговата сопруга.
