Раперот за првпат во својот живот гласа на претседателски избори во САД и, како што вети, гласаше за себе. Имено, Вест на гласачкото ливче за Вајоминг, го допиша своето и името на Мишел Тидбал за потпретседател, и тоа го сподели на социјалните мрежи.
„Господ е толку добар. Денес за првпат во мојот живот гласам за избор на претседател на САД, и тоа за некој кому целосно му верувам – за мене“, напиша тој во првиот пост, а во вториот нагласи
„ВЕРУВАЈТЕ ВО КАНЈЕ 2020, Ти благодарам Исус Христос“.
Вест привлече внимание минатиот месец кога кажа дека повторно ја пронашол вербата во Господ и поттикнат од тоа, на изборите ќе гласа за себеси. Потоа призна дека многу пријатели и колеги или не му верувале или го убедувале дека не треба да почнува кампања.
Вест прво ја објави идејата за кандидатура на Денот на независноста на Твитер, но бидејќи го промашил рокот за собирање поддршка од гласачите во 50 држави, не можеше да биде запишан како кандидат на ливчињата за гласање.
Некои славни лица, меѓу кои и Џенифер Анистон, жестоко реагираа со образложение дека, ако се гласа за музичар, тоа ќе биде погрешен потег.
Канје иако сфати дека нема шанси да победи, сепак си го одржа зборот и си гласаше за себе.
Неговата сопруга Ким Кардашијан и нејзините сестри Клои и Ким гласаа, но не открија за кого.
