7.8 C
Скопје
00:27 - 29 март, 2024

Истрагата против Жерар Депардје се повторува поради наводното силување на девојка скоро 50 години помлада од него

Славниот актер беше обвинет за силување во 2018 година, но немаше доволно докази против него.

Истрагата за силување против францускиот актер Жерар Депардје (71) ќе се повтори откако наводната жртва на силување поднела жалба, бидејќи претходните обвинители го отфрлија нејзиниот случај поради недостаток на докази.

Наводната жртва, актерка која има дваесетина години, рече дека славниот актер ја силувал и навредил во 2018 година во неговиот дом во Париз.

Откако го пријавиле славниот актер, кој има 71 година и негира каква било прекршочна постапка, обвинителите на југот на земјата во Прованса започнале прелиминарна истрага, која потоа им ја препратиле на своите колеги во Париз.

Тимот истражители од Париз по девет месеци работа на случајот изјавиле дека не успеале да соберат доволно докази за да покренат официјални обвиненија. Актерката подоцна ги надополни своите тврдења, па сега истражниот судија ќе го преземе целиот случај.

Изворот рече дека одлуката е формално донесена, а тоа го потврдил и извор од судството.

Адвокатот на Депардје, Ерве Темим, рече дека тој не бил информиран за повторното отворање на случајот, но рече дека не е ништо чудно, бидејќи станува збор за автоматска одлука истражниот судија да преземе сè.

Депардје е огромна ѕвезда во својата татковина, а во 2013 година се здоби со руско државјанство, како знак на протест против француската влада, која предложи дополнително зголемување на данокот за богатите.

Да потсетиме, Депардје, на 4 септември 2020 година, ја промени својата вера и како православен беше крстен во руската црква на Александар Невски во Париз.

Крштевањето се одржа во присуство на мал круг присутни, околу триесет луѓе.

Депардје еднаш рече дека се уште ја сака својата земја безусловно, но не може да негира дека „сè е лошо“ во Франција и дека луѓето таму се помалку среќни отколку во Русија. Тој исто така рече дека е подготвен да умре за Русија.

Слични објави

(Видео) Миа Костова стана жртва на измама: Не рекламирам чаеви за слабеење, не наседнувајте на лажни реклами

Еспресо

(Фото) „Моите деца ме подмладуваат“: Симона Поповска го прослави 32. роденден со семејството

Еспресо

Принцот Хари ќе има кратка и официјална средба со кралот Чарлс: Еве ги деталите

еспресо

Уапсен познат српски естраден менаџер: Во станот му нашле дрога

Еспресо

Искрено со Пеце Суперхикс: Во лутина имаше и физички пресметки и фаќање за гуша, но затоа издржавме 30 години

Александра Георгиев

(Фото+видео) Сите гледаа во задникот на Цеца: Пејачката се „стегна“ во кожна комбинација од 350.000

Еспресо
Се вчитува....