Филмот „Недела“ посветен на животот и кариерата на покојниот Џеј Рамадановски започна да се снима пред две недели, а сега испливаа и нови детали за овој проект кој продукцијата го држи во најголема тајност.
Српски „Курир“ пишува дека дел од екипата ќе биде и Александар Фута Радуловиќ кој со овој проект се враќа на голема врата по големите две трагедии кои му се случија во изминатиот период.
По загубата на Марина Туцаковиќ и синот пред неколку месеци, тој вели дека бил ангажиран поради авторските права на текстовите кои ги има напишано неговата сопруга за покојниот Џеј.
– Се е регулирано што се однесува на правата уште одамна. Дури и јас се ангажирав околу музиката за некои делови од овој филм. Малку по малку се враќам и Марина тоа би го сакала, изјавил Фута.
