Ќерката на Гоца Тржан и Иван Маринковиќ вчера наполни 13 години, а пејачката со емотивна порака ги разнежни, но и ги расплака сите.
Гоца на својот профил на Инстаграм објави заедничка фотографија со ќерката Лана, а во описот открила дека за време на породувањето и бил загрозен животот.
– Пред 13 години во ова време се подготвував да те донесам на свет, беше мирна и не ти се брзаше и дури во 20:05 за првпат го слушнав твојот глас и ги видов твоите очи. Заплака само два пати и потоа те ставија покрај мене и само те гледав. Не чуствував ниту болка, ниту страв што докторите кренаа паника околу мене за да ми го спасат животот, само гледав во тебе – напишала пејачката во објавата.
– Исто така те гледам и денеска, со гордост, со љубов, понекогаш со кривица дека нешто не правам како што треба… И ќе грешам, сигурно. Единствено во што сум сигурна е дека засекогаш ќе те сакам, дека ќе бидеш мојата најголема радост и најголема болка и дека секоја твоја прегратка ќе ме прави најсреќна во универзумот – додала Гоца.
– Драга моја Лено, среќен роденден, добродојде во тинејџерската доба, биди ни секогаш здрава, среќна и внимателна, а сепак полна живот и љубов за другите… Знај дека си моја до крај на времето, дека твоето срце чукаше под моето и поради тоа сме засекогаш поврзани и во радост и во болка. Те сака твојата мајка – завршила Тражан во пораката на Инстаграм.
