На доделувањето на Американските музички награди на свеченоста во Лос Анџелес, триумфираше Тејлор Свифт (29), освојувајќи шест награди. Свифт ја освои главната награда за изведувач на годината и уште четири други. Доби награда и за почесен изведувач на деценијата. Сега има веќе 29 награди, со што го надмина рекордот на Мајкл Џексон, кој собра 24 награди.
„Сè што ми е важно се спомените кои годиниве ги имам со вас“, со овие зборови Свифт ѝ се обрати на публиката на свеченоста во Лос Анџелес откако изведе ремикс на своите хитови.
Тинејџерката Били Еилиш (17) освои две статуетки за најдобар изведувач и најдобар алтернативен рок изведувач, откако нејзиниот сингл „Bad Girl“ се качи на првото место на американските топ листи.
Еилиш даде поддршка за борбата со климатските промени носејќи маица со натпис „Нема музика на мртва планета“.
Селена Гомез (27) ја отвори свеченоста во својот прв телевизиски настап во живо откако во 2017 година ѝ беше направена трансплантација на бубрезите и по борбата со анксиозноста и депресијата.
Пејачката Лизо го изведе својот нов сингл „Jerome“, а Камила Кабељо и Шон Мендез нивниот хит „Senorita“, кој освои награда за соработка на годината.
