Французинките се сметаат за олицетворение на она што претставува шик стил, а можеби и најдобриот претставник на тој стил што ja карактеризира „ла републик“ е токму првата дама на републиката – Брижит Макрон.
Модата која доаѓа од главниот град на стилот може да се опише како едноставна шик или шик без многу напор, но веќе сте забележале, зборот шик е секогаш неизбежен!
Ако и вашиот гардеробер е полн парчиња со потпис на Луј Витон – како првата дама на Франција, со голема леснотија ќе постигнете шик впечаток.
Како и да е, доколку немавте „инсајдерски“ информации како нас и не знаевте дека Брижит за своите комбинации избира парчиња исклучиво со потпис на Луј Витон, веројатно не би ни забележале дека има гардероба вредна илјадници евра, но она што дефинитивно би го забележале е дека првата дама Франција никогаш не изгледа премногу „накитено“, туку секогаш елегантно и модерно, без премногу напор.
Најдобро од сè е што и вие ќе можете лесно да го постигнете овој изглед ако обрнете внимание на одредени стилски правила на кои Брижит секогаш се придржува, а кои се многу едноставни.
Следете ги нејзините примери за постигнете секојдневен шик изглед како вистинска француска дама.
Монохроматика и слоеви
Монохроматски изглед кој вклучува стилизирање на парче со ист тон е еден од најстарите трикови во кој било водич за стил. Овој моден потег вклучува формула врз основа на која нема шанси да се погреши кога, да речеме, некаде брзате или не сте сигурни што треба да носите. Изгледот е подигнат на повисоко ниво ако бојата на мантилот или палтото целосно се вклопи во остатокот од стајлингот.
Една ефективна боја
Понекогаш само тоа е доволно. Секако, мора да водите сметка дека остатокот од стајлингот е поврзан со таа боја, но ако не сте сигурни како, ние ви даваме примери директно на првата дама на Франција – нејзината тајна е сината боја (во сите тонови).
