Празничниот дух годинава доби посебна, топла димензија преку новогодишната фотосесија на Емакулате Вандера Блажеска, Кенијката која веќе седум години го нарекува Скопје свој дом.
Заедно со сопругот Михајло и нивната ќеркичка Дариа, таа испрати силна порака за семејството, љубовта и заедништвото како најголеми животни вредности.
„Влегуваме во Новата година со најголемиот дар од сите — љубов, семејство и заедништво.
Низ секој подем и пад, љубовта нè носеше напред и заедно издржавме.
Благодарна за секоја лекција, секоја насмевка и секој момент што нè доведе до тука.
До моето семејство и моето и сите што ќе го прочитаат ова, нека оваа година ви донесе мир, здравје, раст и безброј причини за насмевка. Нека ве обвие со љубов, нека го заштити она што ви е најважно и нека ве потсети колку сте навистина благословени.
Нека Бог ве води и ви подари мир во годината што доаѓа.
Со вера во срцето и љубов во прегратките, ја пречекувам Новата година.
Наздравје“, напиша таа.
Емакулате одамна е препознатливо лице за македонската публика. Со своите спонтани и искрени видеа, често исполнети со хумор и семејна динамика, особено оние во кои се појавува и нејзината свекрва, таа израсна во вистинска ѕвезда на социјалните мрежи.
Во изминатиот период, нејзината автентичност ја донесе и на телевизиските екрани, каде што се оствари во улогата за која, како што самата признава, отсекогаш сонувала.
