Јелена Карлеуша и Џенифер Лопез се главна тема поради идентичен моден избор. Двете се појавија во препознатлив цветен комплет на „Долче и Габана“, составен од кошула и шорцеви, чија вкупна цена изнесува околу 2.100 евра.
Карлеуша прва го претстави овој аутфит во април годинава. Тогаш комбинацијата ја надополни со мрежести хулахопки, сини очила за сонце и мини чантичка во иста нијанса, создавајќи впечатлив изглед во свој препознатлив стил.
Неколку месеци подоцна, истиот комплет го облече и светската музичка ѕвезда Џенифер Лопез. Таа беше фотографирана во Таормина, Сицилија, каде што престојуваше по повод својот настап на ревија на модната куќа „Долче и Габана“.
Цветниот дезен со сина основа е дел од една од поновите колекции на италијанскиот моден бренд и веќе привлече внимание кај бројни љубители на високата мода.
View this post on Instagram
Карлеуша и претходно знаела да се појави во креации што ги носат светски познати ѕвезди, а често истакнува дека внимателно ги следи светските модни трендови и дека сака да експериментира со впечатливи дизајнерски парчиња.
На социјалните мрежи веќе започнаа споредбите меѓу двата стајлинга, при што љубителите на модата дебатираат чија интерпретација на овој „Долче и Габана“ комплет е поуспешна.
