Македонскиот фризер и шминкер Марјан Петров деновиве престојува во Милано, каде што покрај посетата на настаните во рамките на Модната недела, има и професионални ангажмани.
Овојпат Петров беше задолжен за изгледот на Јаков Јозиновиќ, младата хрватска музичка ѕвезда чија популарност во регионот значително порасна во изминатиот период.
Јозиновиќ беше меѓу гостите на модната ревија на познатиот бренд „Дизел“, а за неговиот изглед пред појавувањето на настанот се погрижи токму македонскиот стилист.
Петров сподели фотографии од нивната соработка на својот профил на Инстаграм, а притоа имаше само пофални зборови за младиот пејач и неговата позитивна енергија.
View this post on Instagram
Јозиновиќ, пак, со своите следбеници сподели видео од појавувањето на ревијата и дел од атмосферата во Милано.
Ова е уште еден интересен момент од престојот на Петров во италијанската модна престолнина. Македонскиот стилист неодамна токму во Милано го прослави својот роденден, а за време на престојот имаше можност да се сретне и да се фотографира со светски познатата манекенка Адријана Лима и американската пејачка Сијара.
