Малечката Софиа, ќерката на пејачот Никола Перевски – Пере и неговата сопруга Јована Темелковска, го прослави четвртиот роденден на 20 ноември.
Пејачот на групата „Нокаут“ тогаш ѝ посвети емотивна честитка на својата ќерка, а сега објави и семејни фотографии од роденденската забава на Софиа.
„Ти внесуваш сонце во моите денови и ме потсетуваш да го ценам секој момент. Твојата насмевка ја осветлува секоја просторија во која што си ти, а твоите прегратки го топлат моето срце како ништо друго. Среќен роденден Софиа ќерко моја“, стои во честитката за Софиа.
„Со моите пет женски“, напиша Пере во описот на фотографијата, на која позира со сопругата и четирите ќерки – Михаела, Каја, Софиа и Ирис.
Како потсетување, Пере има две ќерки од првиот брак со новинарката Александра Спировска – Михаела и Каја. Михаела, која повеќето ја знаат како Миа, тргна по стапките на својот татко и се занимава со музика.
Пере и неговата сегашна сопруга Јована се заедно од 2011 година, а во 2020 година ја добија првата заедничка ќерка Софиа. Минатата година станаа родители на уште едно девојче, ќерката Ирис.
