Американската манекенка со потекло од Германија, Хајди Клум (47) и нејзината ќерка Лени (16) се појавија на насловната страница на „Вог Германија“ за 2021 година.
Имено, 16-годишната ќерка Хајди Клум изгледа исто како нејзината мајка, па сега реши да се испроба и самата во светот на модата.
Ова е прва насловна страна за Лени во модно списание, а за таа прилика младиот надежен модел позираше со својата мајка.
Лени носеше розови панталони, сина јакна и зелена маица под неа, додека поранешниот супермодел носеше сини панталони и розова јакна, а на сликата се гледа како ја бакнува својата ќерка.
Лени за магазинот Вог изјави:
„Прашање на време беше кога ќе се обидам како модел. Првата понуда пристигна кога имав само 12 или 13 години од брендот кој обожавав да го носам „Бренди Мелвил“. Тогаш ја молев мајка ми, но немаше шанса! Сега разбирам дека ќе беше рано тогаш“, рече таа.
„Прекрасна си“, „Како сестри“, „Невозможно, како Лени порасна- ти си како близнак“, беа само дел од позитивните коментари под објавата.
