Иван Јованов, фронтменот на музичката група „Либеро“, синоќа ги почести најблиските со мекици за раѓањето на неговото прво дете и направи голема прослава во еден скопски ресторан.
Неговата партнерка се породи минатиот вторник (26) март и на свет донесе девојче, кое доби уникатно име – Ниа.
Целиот локал бил украсен со розеви, бели и златни декорации и балони, а гостите добиле колачиња на кои било напишано „Добредојде бебе Ниа“.
Тој имаше голем број гости – членови на семејството, блиски пријатели и соработници од естрадата, кои заедно со него славеа цела вечер.
Меѓу нив беа и пејачките Барбара Поповиќ и Лина Пејоска, која пееше и ги забавуваше гостите.
