Премиерата на филмот е закажана за 17 јули.
Големата филмска ѕвезда Роберт Патисон наскоро ќе го претстави научно-фантастичниот филм „Тенет“, во режија на Критофер Нолан.
Од тоа што засега е објавено, Патисон ќе настапи во улогата на еден шпион, кој поседува доверлива информација дека на светот му се заканува катаклизмичка опасност.
Филмот е сниман во Велика Британија, Естонија, Италија и Индија, а ѕвездата на сагата „Самрак“ откри дека бил воодушевен од тоа што било снимено на филмскиот сет. Иако не е прецизирана точната сума, објавено е дека „Тенет“ е еден од најскапите филмови на сите времиња.
Покрај Патисон, во главната актерска екипа се појавуваат Џон Дејвид Вашингтон, Елизабет Дебицки и Димпл Кападија.
Премиерата на филмот е закажана за 17 јули.
