Откако нивниот последен заеднички филм „Dolor y gloria“ собра бројни награди и позитивни критики, двајцата најпознати шпански актери, Пенелопе Круз и Антонио Бандерас, снимаат нов филм под наслов „Competencia Oficial“.
Новото остварување ќе го режираат аргентинските режисери Маријано Кон и Гастон Дупрат, а покрај нив во главната улога ќе се појави и аргентинскиот актер Оскар Мартинез.
Снимањето на филмот започна овој месец во продукција на „The mediapro studio“, на чиј Инстаграм профил се најде и оваа објава.
Ова ќе биде третиот филм во кој Круз и Бандерас ќе глумат заедно, но првиот кој нема да биде во режија на Педро Алмодовар.
Двајцата актери претходно заедно ги толкуваа улогите во филмот „Los amantes pasajeros“, од 2013 година, а потоа и во веќе споменатиот филм „Dolor y gloria“, за кој Алмодовар повеќепати рече дека тоа не е неговата автобиографија, но е едно од неговите најлични остварувања.
