На денешната онлајн прес-конференција со екипата на „Медена земја“ која се уште е во Лос Анџелес по церемонијата на доделување на Оскарите, тие порачаа дека не се разочарани од тоа што не освоиле Оскар.
Првата порака по Оскарите на Атиџе беше преточена во песна, а потоа кратко порача дека е задоволна и дека поминале добро.
– Задоволни сме, но беше добро, порача Атиџе.
Режисерката Тамара Котевска изјави дека со двете номинации постигнале успех кои не знаат дали некогаш ќе се повтори.
– Двете номинации се историја, ова е успех кој не знаеме дали некогаш ќе се повтори. Јас и Љубомир сме овде три недели и секој ден за нас беше посебен, изјави режисерката Котевска.
На прашањето дали се разочарани, едногласно сите порачаа дека би било срамота ако некој се чувствува разочарано и дека ова е голем успех.
