Според изјавата што ја дал за судот, тој никогаш не бил насилен кон неа и тврди дека Амбер на лицето и на телото нацртала модринки за да го обвини за злоставување и за да има повод за развод, јавуваат американските медиуми.
Бракот меѓу 55-годишниот Деп и 33-годишната Херд заврши во мај 2016 година, по само 15 месеци, а актерката го обвини дека ја претепал. Бракот законски е завршен во јануари 2017 година, што не е случај и со нивното јавно расправање во кое изнесоа многу пикантерии од приватниот живот.
Хард во „Вашингтон пост“ се опишала како жртва на семејно насилство, на што Деп одговорил со тужба за клевета.
На судот Деп му ги предал и пораките за кои тврди дека се последните кои Амбер му ги пратила пред разводот.
„Да го направиме тоа или да поништиме сè. Ти и јас ја имаме контролата. И се сакаме. Мислев дека си го предал барањето за развод. Рече дека заминуваш и рече збогум. Жал ми е ако те повредив. Само те сакам“, наводно му напишала Амбер.
„Кога не ѝ удоволив на нејзиното барање за пари, ме обвини за насилство, бараше забрана за приоѓање и се појави на суд со модринки и исеченици за кои тврдеше дека настанале кога сум ѝ го фрлил мобилниот во лице. Повторно тие обвиненија се лажни“, напишал Деп.
