Џенифер Лопез вчера настапуваше на инаугурацијата на Џо Бајден изведувајќи ги патриотските песни „This Land Is Your Land“ и „America the Beautiful“. Но, во еден момент додаде стих од нејзината песна „Let’s get loud“ и на крајпт се обрати и на шпански јазик.
„Една неделива нација пред Бога, слобода и правда за сите“, кажа Лопез, рецитирајќи дел од свечената заклетва на САД.
Лопез потекнува од Порто Рико, има неколку албуми на шпански, па ова не е прв пат да запее на својот јазик.
Пејачката расплака голем број латиноамериканци кои своите реакции ги споделија на социјалната мрежа „Твитер“. Многу обожаватели на беа горди што Лопез за момент си дозволи да се тргне од официјалната форма на настанот.
„Ја гледавме инаугурацијата и одеднаш Џеј Ло почна да зборува на шпански. Еден од учениците во мојот клас почна да вика: – Знам што рече!!! Ова е причината зошто е важна репрезентацијата“, напиша еден наставник.
„Не можам да ги запрам солзите“, напиша друг нејзин обожавател.
Преземено од Слободен Печат.
