Актерката Џенифер Анистон искрено зборуваше за озборувањата и прашањата за бременоста, за кои вели дека биле болни низ годините…
52-годишната Анистон проговори за феноменот во кој таблоидите и луѓето на социјалните мрежи коментираат и ги преиспитуваат личните прашања на жените, изнесувајќи бројни претпоставки.
„Она што тогаш таблоидите и медиумите им го правеа на познатите личности, сега го прават обичните луѓе. Дали ќе имам близнаци? Ќе станам мајка на 52 години? Сега имате социјални мрежи. Речиси како медиумите да му го предале мечот на секој што седи зад компјутер да биде трол или како и да ги нарекуваат и да ги малтретираат луѓето во коментари. Не знам зошто постои толку сурова особина во општеството“, изјави Анистон за „THR“.
View this post on Instagram
Актерката објасни дека по некое време престанала лично да ги сфаќа огромните гласини.
„Сето тоа го сфаќав многу лично – гласините за бременост и целата претпоставка дека сум одбрала кариера наместо деца. Луѓето немаат поим што се случува со мене лично, медицински, зошто не можам или дали можам да имам деца? Тие не знаат ништо, а тоа беше навистина болно и едноставно непријатно“, рече Анистон.
View this post on Instagram
Сè што доживеала го смета за двојни стандарди, бидејќи мажите не се третираат така.
„Мажите можат да се женат онолку пати колку што сакаат, можат да стапат во брак со жени во 20-тите или 30-тите години. На жените тоа не им е дозволено“, вели Џенифер.
Џенифер Анистон во интервјуто по раскинувањето со Бред Пит откри дека сакала деца и сè уште сака, но од непознати причини не успеала како мајка.
