Кисела зелка во суштина е ферментирана зелка. Корисните пробиотици или „живи бактерии“ се произведуваат за време на процесот на ферментација, а овие пробиотици ѝ даваат на киселата зелка најголем дел од нејзините здравствени придобивки.
Киселата зелка е богата со диетални влакна и содржи витамини Ц и К, калиум, калциум и фосфор. Корисните пробиотици кои се наоѓаат во киселата зелка се важни за добро дигестивно здравје. Исто така, содржи ензими кои му помагаат на телото да ја разгради храната на помали и полесно сварливи молекули, што пак му помага на телото да апсорбира повеќе хранливи материи.
Го зајакнува и имунолошкиот систем. Добрите бактерии од киселата зелка помагаат да се одржи здрава дигестивна слузница. Цврстата цревна слузница спречува несаканите материи или токсини да „истекуваат“ во телото и на тој начин да предизвикаат имунолошки одговор. Истите овие бактерии можат да поддржат и природни антитела и да го намалат ризикот од инфекции.
Киселата зелка е добар извор на влакна за да ви помогне да останете сити подолго време. Некои истражувања покажаа дека консумирањето храна богата со пробиотици како кисела зелка може да го намали ризикот од дебелина, но потребни се повеќе истражувања на оваа тема, пишува Би-Би-Си .
