Џејми Спирс, таткото на Бритни Спирс, тврди дека со старателството ја „спасил од катастрофа“ неговата ќерка и дека јавноста всушност би требало да го пофали, а не да го оцрни, доколку истата знае за нејзината зависност и менталните здравствени проблеми, пренесува „Дејли Мејл“.
View this post on Instagram
Џејми, кој неодамна се повлече од функцијата старател на пејачката, тврди дека нејзините борби со зависноста и менталното здравје се многу посериозни отколку што изгледа.
„Но, јавноста не знае сè, и тие нема ни право да знае, така што никој нема да му се извини на господинот Спирс“, пишува Спирс во поднесокот до Врховниот суд во Лос Анџелес, пренесуваат странските медиуми.
Таткото на ѕвездата вели дека од 2018 година, немал контрола над медицинските одлуки на Бритни, вклучувајќи го и нејзиното затворање во ментална установа во 2019 година. Тој тврди дека неговата главна улога во третманот на неговата ќерка била само плаќање на сметките.
„Нема сомнение дека старателството ја спаси г-ѓа Спирс од катастрофа, ја поддржа кога беше најпотребно, ја заштити неа и нејзината репутација и ѝ помогна да ја обнови својата кариера“, вели таткото на пејачката.
(ФОТО) Бритни Спирс ги гушка своите кучиња по скандалот со домаќинката
Да потсетиме, Џејми Спирс неодамна се согласи да се повлече од својата долгогодишна улога како старател на неговата ќерка Бритни. Пејачката пред судот во Лос Анџелес во јуни рече дека старателството е злоставување и дека „сака да си го врати својот живот“.
