Американскиот рапер и продуцент Џеј Зи, основа инвестициски фонд од 10 милиони американски долари за поддршка на малите бизниси во секторот на мариухана во сопственост на афроамериканци.
Џеј Зи сака да биде лидер во индустријата за легална марихуана во САД, а тој инструмент за ризичен капитал го создал во декември купувајќи платформа за директна продажба на потрошувачи во Калифорнија.
„Со почетни 10 милиони долари и годишна инвестиција од најмалку 2% нето добивка, ние се свртуваме кон диверзификација на лидерството во трговијата и работната сила“, се истакнува во матичната компанија „Parent“ – поранешна „Subversive Capital“ чиј главен визионер беше Џеј Зи.
Меѓу инвеститорите во компанијата е и пејачката Ријана.
Компанијата се обврзува секоја година да инвестира по 2% од својот профит во овој нов „Инвестициски фонд за социјална еднаквост“ основан од раперот.
Седиштето се наоѓа во Сан Хозе, Калифорнија, а во 2020 година оствари профит од 185 милиони долари на пазарот на марихуана, што се проценува на 7,5 милијарди долари само во Калифорнија, каде потрошувачката на марихуана е дозволена за рекреативна употреба, како и во петнаесет американски држави.
Преземено од Слободен Печат.
