Шакира и Џенифер Лопез приредија спектакл во полувремето на финалето на американскиот фудбал.
Покажаа дека се во одлична пејачка, но и телесна форма.
Латино ѕвездите со месеци се подготвуваа за настапот на полувремето на финалето на најголемиот американски спортски настан во Мајами. Она што тие го изведоа беше спектакл кој го засени и самиот натпревар.
Дел од перформансот на Џенифер Лопез на Супербол е оценет од страна на американските медиуми како провокација на Трамп и тоа поради деталот со кој латино дивата прошета по сцената.
Се работи за бундата во бои на знамето на Порторико, специјално направена за нејзиниот перформанс на овој настан.
Џенифер со ќерка ѝ Ем (11) ја изведе песната на Брус Спрингстин “Born In The USA”, а цело време гордо го носеше порториканското знаме.
Да потсетиме, Џенифер е родена во Бронкс, а родителите ѝ се од Порторико. Пејачката секогаш гордо го истакнува своето латино потекло.
