Дарко Лазиќ пред два дена бил во полициската станица на Савски венец во Белград, каде што официјално признал вина за сообраќајната несреќа што ја предизвика минатата недела.
Иако во јавност тврдеше дека не е виновен и дека несреќата се случила поради дождот, во полициските простории ја сменил изјавата.
„Дарко во четвртокот стигна во полиција околу шест часот попладне и таму се задржа доста време. Беше добро расположен, разговараше нормално со службените лица, но кога му беше укажано на неговото непримерно однесување зад воланот, тој ја призна вината и вети дека ќе биде повнимателен во секој сегмент од животот, не само во возењето“, изјавил извор близок до пејачот.
Да потсетиме, минатата недела Лазиќ доживеа стравична сообраќајка во која за среќа никој не загина – ниту тој и неговата сопруга, ниту возачот на автобусот во кој удри. Автомобилот бил целосно уништен, а пејачот тогаш изјави дека „такви работи можат да му се случат на секого“, но колегите од естрадата жестоко ги осудија неговите зборови и изразија загриженост за неговата безбедност и за безбедноста на останатите учесници во сообраќајот.
