Долгогодишната врска помеѓу пејачката Шакира (45) и шпанскиот фудбалер Жерар Пике (35) наводно е на работ на колапс откако колумбиската пејачка го фатила своето момче во прељуба, пишуваат странските медиуми.
Како што пренесува шпанскиот „Елпериодико“, Шакира го фатила Пике во кревет со друга жена. Се наведува дека парот веќе неколку недели живее одвоено откако пејачката го избркала фудбалерот од семејниот дом.
View this post on Instagram
Блиски извори тврдат дека шпанскиот репрезентативец често посетувал ноќни клубови со соиграчот Рики Пуиг и неговото друштво, и знаел од излегување да се врати и околу 3 часот наутро.
Иако се уште не се огласиле за овие гласини, новинарот на споменатиот шпански медиум тврди дека ќе се разделат.
– Шакира донесе одлука за раскинување на врската. Затоа постои дистанца – рекол новинарот за време на подкастот во живо на почетокот на неделава.
Да потсетиме, латино дивата Шакира и фудбалерот Жерар Пике се заедно повеќе од десет години и имаат два сина, Милан и Маша.
View this post on Instagram
