Познатата македонско-бугарска старлета, Драгана Спасовска која сме имале прилика да ја видиме во неколку телевизиски интервјуа, за „Еспресо.мк“ вели дека во нашата земја нема намера да се врати додека не ги отворат дискотеките и клубовите.
Како што знаете, во нашата соседна Бугарија дискотеките се отворени веќе некое време, па токму тоа е причината зошто старлетата моментално е стационирана таму.
– Јас не знам зошто кај нас се чека да се отворат дискотеките и клубовите, каде речиси во сите земји во регионот го направија тоа. Во Македонија ноќниот живот е досаден и со отворени дискотеки, а камо ли пак вака кога се целосно затворени. Младите луѓе нема каде да излегуваат, пиењето кафиња е за пензионирте – вели Спасовска, која до властите во нашата земја апелира што побрзо да го решат овој проблем.
Инаку Драгана веќе неколку години живее во Дубаи, а позната е луксузниот начин на живот, по брендираната гардероба, а особено таа привлекува внимание со своите бујни и природни гради.
