Холивуд не престанува да збори за тоа дека актерот Бредли Купер запловил во романса со новата Бонд девојка.
За Бредли Купер не престанува да се пишува и збори откако ја раскина врската со манекенката Ирина Шајк, со која ја има ќерката Леа де Сен. Него го поврзуваа со Лејди Гага, но и со актерката Џенифер Гарнер. Сепак, изгледа дека сега има промена во неговиот љубовен статус.
Всушност, овој заводник бил виден во друштво на убавата колешка Ана де Армас, со која на почетокот од јануари е виден на ручек во Беверли Хилс. Daily Mail веднаш започна да пишува за потенцијалната холивудска романса на актерот и латино убавицата.
Ана де Армас е инаку актерка со шпанско-кубанско потекло, а позади себе има брак со актерот и модел Марк Клотет. Во новиот филм за Џејмс Бонд „No Time To Die“, таа ја игра Бонд девојката Палома.
Се уште се немаат огласено ниту Купер, ниту Ана, а останува да се види каква е природата на нивниот однос.
