Во текот на летната пауза на првенствата, фудбалерите кои очигледно се навикнати деновите да им бидат исполнети со тренинзи, сега не знаат што да прават со слободното време, па си наоѓаат секакви занимации.
Меѓу фудбалерите е особено популарен предизвикот bottlecap, а целта е да се отвори шише со нога или на некој почуден начин, без да се користат рацете. Во предизвикот веќе се испробале многу фудбалери меѓу кои и Златан Ибрахимовиќ, Димитар Бербатов и Пол Погба, но дефинитивно Серхио Рамос направи нешто несекојдневно.
Рамос ударот не го изведе со нога, туку со јазик.
Како што е ред, на предизвикот некој треба да биде номиниран, а за предизвикот bottlecap Рамос ги номинирал Дејвид Бекам, Ентони Џошуа и Џејмс Харден.
