Американската актерка Тања Робертс, која светската слава ја стекна во филмовите за Џејмс Бонд и во последната сезона од серијата Чарлиевите ангели, за која вчера известивме дека починала, всушност се уште е жива, јавува денес CNN.
Во неделата CNN по грешка објави дека Робертс, починала во 65-та година од животот, но денес грешката е поправена.
Нејзиниот пријател и агент Мајк Пингел, кој ја нарече „најслатката личност која можевте да ја запознаете“, сега изјави дека Робертс е во болница во тешка состојба.
Робертс колабирала додека се шетала на 24-ти декември и веднаш е примена во болницата во Лос Анџелес.
Причината за смртта не беше објавена, но како што пишуваа случајот не беше поврзан со коронавирусот.
Пингел изјави дека по грешка ја објавил смртта на Тања Робертс врз основа на податоците кои ги добил од нејзиниот партнер.
Откако се јавил во болницата во која престојува таа, добил информација дека таа се уште е жива, но во лоша состојба, изјави Пингел.
