Пејачката со раскошен глас, Маја Оџаклиевска, беше една од најистакнатите пејачки во екс Југославија.
Нејзините песни сите ги очекуваа со голема возбуда, а нејзините плочи беа едни од најпродаваните.
Сепак, Маја се одлучи да се повлече од јавната сцена пред скоро две децении, а во моментов е преокупирана со грижа околу внукот Лука со кого живее, а на кого во 2013 година му дијагностицираа аутизам.
– Првите три месеци беа најтешки. Се одвои од родителите, а тоа се манифестираше со самоповредување. Тоа е типично за аутустичните деца. Кога сфати дека јас сум некој кој го сака безусловно, се промени. Грижата за Лука е поделена со мојата ќерка, само што јас сфаќам дека тој има проблем, а ќерка ми малку потешко го прифаќа тоа, откри Маја.
Пејачката своевремено призна и дека веќе некое време живее од пензијата која изнесува 33 илјади српски динари, односно 17.200 македонски денари.
