Пејачот Стеван Анѓелковиќ откри дека неговата колешка и пријателка Милица Тодоровиќ планира да се врати на настапите, но и на кого личи нејзиниот син Богдан.
Анѓелковиќ и Милица Тодоровиќ се кумови, а тој често ги посетува неа и нејзиниот син, кого пејачката го роди на почетокот на февруари.
– Бебето е прекрасно. Засега, повеќе личи на неа – рекол Стеван за српските медиуми, потврдувајќи дека новата мајка, која ќе го помине Велигден во родниот Крушевац, се справува многу добро.
Иако многумина мислеа дека Милица сè уште нема да настапува и дека ќе остане дома со бебето најмалку една година, Стеван носи поинакви вести.
– Таа сака работа. Планот е повторно да почне да настапува пред летото – открил тој за „Блиц“.
Стеван зборуваше и за преселбата на пејачката, како и за тоа дали му е тешко што повеќе не се соседи. И покрај фактот што повеќе не се во соседството, Стеван редовно ја гледа Милица и е многу среќен што таа стана мајка.
– Тоа беше нејзина голема желба. Тоа се моментите кога не можеш да бидеш емотивен. Многу ми е жал што помина низ сето тоа, што сето тоа беше споменато така. Тоа не е секојдневна ситуација, има многу такви врски во денешно време. Жал ми е што некои луѓе чекаа да ја демонизираат нејзината врска. Оние луѓе што ја нападнаа ѝ се извинија, сфатија дека грешеле. Сето ова ќе помине, таа сега ужива, многу е среќна, ужива со својот син, ужива со своето момче – додал Стеван.
