Македонската поп-дива Калиопи, на голема радост на љубителите на добрата музика, денеска го промовираше новиот албум едноставно наречен – „Албум“.
На „Албум“ се наоѓаат 10 песни, меѓу кои е вклучена и веќе познатата дуетска нумера „Знам“ со српскиот пејач Жељко Самарџиќ. Уште една веќе позната песна на публиката, се најде на новиот албум – „Кад осване“.
Вистинско изненадување и освежување на „Албум“ е соработката помеѓу Калиопи и Марко Маринковиќ-Слаткар, од која изнедрила песната насловена „Казна“.
На албумот уште се наоѓаат и „Ела“, „Зашто“, „Погледај ме сад“, „Парампарче“, „Во земјата на чудата“, „Дај ми комад душе“, „Дај, дај ми дај“.
Калиопи ги промовираше и шесте видеоспота снимени за новите песни.
Инаку, „Албум“ е музички проект што е создаден по повод 40-годишната соработка помеѓу Калиопи и Ромео Грил.
