Ако сте заинтересирани, задачата е да го пронајдете багажот на Том Круз украден во Англија, каде холивудската ѕвезда го снима седмото продолжение на серијата „Невозможна мисија“, објави во петокот таблоидот „The Sun“.
Багажот бил во автомобилот на неговиот телохранител, кој бил украден во вторникот вечерта пред хотелот во Бирмингем каде што престојувал.
„Бевме известени за кражба на БМВ Х7 во „Church Street“ во Бирмингем, во раните утрински часови во вторникот, на 24 август“, потврди портпаролот на полицијата, но не го откри идентитетот на сопственикот.
„Автомобилот беше пронајден наскоро“, додаде тој и рече дека истрагата продолжува.
Но, од возилото, секако, исчезнало се, изјави извор за „Сан“ наведувајќи дека станува збор за багажот и лични предмети на 59-годишниот Том Круз.
Се чини дека крадците користеле високо буџетен скенер за да го копираат кодот за да го отворат и стартуваат автомобилот.
Филмската ѕвезда, позната по тоа што самиот ги изведува повеќето опасни сцени, минатата недела го привлече вниманието во Мидлендс на северот на Англија и граѓаните со интерес го гледаа снимањето на неколку сцени од седмиот филм од „Невозможната мисија“.
