Бред Пит е убеден дека неговата поранешна сопруга Анџелина Џоли „одолговлекува“ со финализирањето на нивниот развод за да ја спречи можноста тој по трет пат да вплови во брачното пристаниште. А извори блиски до актерот тврдат дека Анџелина ја користи ситуацијата како „уште една тактика“ за да ја задржи контролата над нејзиниот поранешен сопруг.
Анџелина Џоли и Бред Пит станаа пар, популарно наречен Бранџелина, во 2006 година, а се венчаа во 2014 година. Шокантната разделба следеше во 2016 година, што предизвика жестока судска битка околу старателството над децата и поделбата на имотот.
60-годишниот Бред Пит во меѓувреме ја запознал 31-годишната дизајнерка на накит Инес де Рамон, која му стана девојка. А дека врската е сериозна потврдува и фактот дека парот живее заедно.
Упатените сега открија дека Пит сака повторно да се ожени, но дека жестоката правна битка со Анџелина го спречува да го стори тоа и му оневозможува „да тргне напред“, бидејќи Бред сака да ја среди ситуацијата со Анџелина пред повторно да се ожени.
„Бред сака повторно да се ожени, но Енџи сè уште му стои на патот а тој само сака сè да биде готово“, изјави ексклузивно за Дејли мејл извор близок до Бред. „Таа го развлекува разводот речиси една деценија.“
Изворот тврди дека таа чека близнаците да наполнат 18 години пред да го финализира разводот.
Поранешниот пар има три биолошки деца – Шајло (18) и 16-годишните близнаци Нокс и Вивиен и посвоените Медокс (23), Пакс (21) и Захара (19). По жестоката разделба на нивните родители, Захара, Шајло и Вивиен го исфрлија Пит од нивното презиме.
Се шпекулира дека Медокс и Пакс не разговараат со нивниот татко, за разлика од Нокс и Вивиен кои сè уште одржуваат контакт со него иако не се фотографирани заедно со години.
Изворот додава: „Таа го користи ова како уште една тактика за да ја задржи контролата над него, а Бред знае дека таа е нервозна бидејќи тој е среќен“.
Тој објасни дека Бред е одлучен да ги реши сите правни проблеми со поранешната сопруга и дека Инес е подготвена да го поддржи во текот на неговата понатамошна борба.
„Ова трае веќе осум години и иако тој би сакал официјално да продолжи со Инес, и двајцата знаат дека тоа не е можно, а тоа многу го лути Бред“, истакна изворот.
