Надзорните камери на „Смитсонијан“ снимиле панди во зоолошката градина како уживаат и се радуваат на снегот. Националната зоолошка градина во Вашингтон ја сподели снимката на својот официјален фејсбук – профил.
Пандите се снимени како се спуштаат по снегот, а потоа се тркалаат и си играат како мали деца. Видеото им се допаднало на повеќе од 1000 луѓе, а под објавата се напишани бројни позитивни коментари од корисниците на социјалните мрежи.
„Ги сакам пандите на снег“, „Пандите се како големи деца“, „Прекрасни“, „Ова видео ми го разубави денот“, „Ова баш ме насмеа“, „Колку многу радост“ се само дел од коментарите.
