Животот понекогаш знае да си поигрува со нас, а тоа најдобро го илустрира животната приказна на една девојка која била бездомник, а притоа на нејзината банковна сметка имало нешто помалку од еден милион долари.
Една жена од Орегон починала минатата година како бездомник, не знаејќи дека наследила 884,447 долари.
Кети Бун починала во прифатилиште за бездомници во Асторија, Орегон. Бун имала проблеми со менталното здравје и злоупотреба на наркотични средства. Кога нејзината мајка починала во 2016 година и оставила на Кети значајно наследство, никој не успеал да ја најде и да ја извести, пренесува порталот на „РТС.rs“.
„Тоа навистина не е фер. Тие пари едноставно биле на нејзината сметка кога се мачела на улиците“, изјавил нејзиниот татко Џек Спитол.
По бројните огласи за нејзина потрага во печатените медиуми како и безуспешната помош од приватен истражител, парите на крајот биле префрлени на сметката на локалните власти, но никој никогаш не одговорил каде завршила таа сума.
„По потрага од годината и половина и напорите на личниот застапник, како и на адвокатот во овој конкретен случај, државата навистина не можеше да стори ништо повеќе“, изјавила портпаролката на Министерството за надворешни работи Клаудија Кобанау, додавајќи: „Ова е уникатен случај и ние искрено сочувствуваме со семејството“, пренесува „РТС“.
Не е познато што ќе се случило со парите кога Бун починала, но сепак, таа има две биолошки деца кои можат да побаруваат од тие средства, пренесува „KGW News“.
