Таканаречените „голи фустани“ се во мода последниве години, а судејќи според модната недела во Барселона, овој тренд во блиска иднина нема да исчезне. Иако малку сексапил е секогаш добредојден, фустанот на брендот „Rue De Seine“ освен пофалби доби и критики.
View this post on Instagram
Станува збор за фустан до подот, кој чини речиси 4.000 евра, а толку е проѕирен што под него дефинитивно мора да облечете нешто друго доколку планирате во него да одите до олтарот.
Откако фустанот беше објавен на Инстаграмот на модната куќа, многумина ги оставија своите критики без двоумење.
Некои се убедени дека фустанот всушност е креиран за првата брачна ноќ, а не за денот на венчавката.
„Горниот дел е преубав, но покажувањето на задникот за мене е преромантично“, се пошегува еден корисник на Инстаграм.
View this post on Instagram
„Зачувајте нешто за спалната соба. Да имаше постава, ќе беше преубав, вака е само е евтин фустан за стриптизерки“, тврди друг.
Има и такви на кои фустанот им е совршен таков каков што е.
„Ова ми е најубав фустан досега“, напиша една корисничка, додека друга додаде: „Би се омажила само за да можам да го носам овој фустан“.
View this post on Instagram
