Мајката на бебето се породила во октомври во 23. недела од бременоста и новороденчето било малечко колку пенкало. Докторите четири месеци деноноќно го следеле нејзиниот раст и напредок додека повеќе не било во животно загрозувачка состојба.
Кога го напуштило перинаталниот центар во февруари, бебето било тешко 2.642 грама.
Министерството за здравство на Бурјатија во сибирската област го опиша неjзиното опоравување како „вистинско чудо“, пишува Сибериан тајмс.
Бебето било толку малечко што одредени членови на персоналот се плашеле да го земат во раце.
Олег Миткинов, шеф на неонаталогија во болницата порача дека денот кога тоа излегло од перинаталниот оддел е неговиот втор роденден.
„Навистина сум многу среќен што немашеп сериозни компликации“, истакнал тој.
Бебето уште неколку месеци ќе помине на Одделението за пулмологија пред да може да оди дома каде го чекаат родителите, браќата и сестрите.
Малото девојче, чие име не е откриено, ќе биде под строг надзор на лекарите најмалку до третата година, но засега се чини дека нема поголеми здравствени проблеми.
