На социјалните мрежи се прошири снимка од еден италијански саксофонист кој од балконот за своите соседи ја изведе песната „Bella Ciao“.
Додека ја свирел познатата мелодија, луѓето од соседните згради излегле на терасите и почнале да ракоплескаат.
„За жал, кај мене музиката се менува, само сирени на Брза помош и колони кои ги носат мртвите“, напишал еден Италијанец под снимката.
„Држи се, сè ова еднаш мора да заврши“, му порачал саксофонистот Даниеле Витале.
Италијанците од првиот ден со музика се борат против осаменоста во карантинот, а многу снимки од нивните заеднички песни веќе го обиколија светот.
Погледнете ја изведбата на Даниеле Витале.
