Модните стручњаци открија дека во периодот кој следи нè очекуваат ексцентрични модни парчиња, како и еден провокативен и заборавен тренд кој доминираше на почетокот од 2000-та година.
Станува збор за необичните панталони кои имаат исечени делови на бутовите и потсетуваат на каубојски модел.
Ова модно парче прва го прослави поп-ѕвездата Кристина Агилера, носејќи го во спотот за песната „Dirrty“, а набрзо стана и нејзин заштитен знак.
Иако беше многу популарен на почетокот од 2000-та година, а потоа исчезна со брзина на светлината, 20 години подоцна овој тренд се враќа на големата врата!
Тоа прво беше најавено во колекциите на многу дизајнери, а на неодамна одржаната Недела на модата во Лондон, имавме можност да видиме кожна верзија од овие панталони, комбинирана со ретро патики и ролка.
Исто така, пејачката Џенифер Лопез го носеше овој модел на каубојски панталони за полувремето на „Super Bowl“, а овој сексапилен крој во прв план ги истакна нејзините атрибути.
Деми Ловато, Парис Хилтон и Рита Ора исто така го обожаваат овој тренд, но и голем број на инфлуенсерки. Многу инстаграм-ѕвезди ја избираат најпровокативната верзија на овие панталони се со цел да привлечат повеќе внимание.
