Алехандрина Гузман, ќерката на еден од најпознатите наркодилери, Хоакин Гузман, познат под прекарот Ел Чапо се омажи пред неколку дена, пишуваат светските медиуми.
Нејзиниот избраник е Едгар Казарес, внукот на Блансе Маргарит Казарес, една од членките на картелот на нејзиниот татко, позната по прекарот „бароница на дрогата“.
Chapo's daughter, Alejandrina Gisselle Guzmán Salazar supposedly married on the 25th at the Culiacán Cathedral. She has been involved with the Chapo 701 fashion brand. https://t.co/lzuaINJ6Pp pic.twitter.com/30rEp6VEoP
— ɹǝɥdoʇsıɹɥɔ (@just_some_d00d) January 29, 2020
Според информациите на мексиканските медиуми, венчавката е одржана на 25 јануари, а снимките и фотографиите од гламурозната венчавка неодамна се појавија на социјалните мрежи.
Со оглед на тоа што Ел Чапо не бил присутен на венчавката бидејќи отслужува доживотна казна затвор, Алехандрина заиграла со мајка си Марија, првата жена на Ел Чапо.
Венчавката е одржана во катедралата која во тој момент била затворена за јавноста, што предизвика многу критики.
„Ова е потсетник колку во ова општество е вкоренето и моќно семејството Гузман. Тие се овде дел од елитата. Така ги третираат другите припадници на елитата, вклучувајќи ја и црквата“, рекол Фалко Ернст, интернационален аналитичар за Мексико.
