Рок-списанието „Кју“ – „пионерот“ на рок-новинарството во Велика Британија, ќе престане со своето издавање по 34 години од своето постоење, пишува МИА. Како што соопшти уредништвото, за тоа е виновна корона-кризата.
- Пандемијата ни го направи тоа – напиша уредникот Тед Кеслер на својот Твитер-профил.
Тој притоа објави и уредничко писмо за последното издание, кое излегува на 28 јули. Таму тој вели дека мора да се извини бидејќи не успеал да го одржи „Кју“.
Тиражот на списанието падна на 28.000 продадени примероци месечно, во однос на 200.000 во 2001 година.
Списанието „Кју“ го основале Марк Елен и Дејвид Хепворт во 1986 година.
