Славејќи ја фината изработка и традиционалната јапонска уметност, „Лексус“ го нарача првиот тетовиран автомобил во светот. Единствената интерпретација на компактниот СУВ УХ го дизајнирала и креирала водечката лондонска уметница за тетовирање, Клаудија де Сабе, објави „Лексус“ на својот сајт.
Користејќи чисто бел автомобил како свое „платно“ и „Дремел“ дупчалка наместо фина игла за тетовирање, Клаудија направила прекрасна слика на јапонско кои, ишарана на целото возило.
Кои е мотив познат од традиционалната јапонска уметност и симбол на добра среќа и упорност.
Клаудија ја отстранила површинската боја и го обработила металот одоздола, а потоа со рака нанела пет литри висококвалитетна автомобилска боја за да ги обои деталите.
На крај, коростела листови злато за да ги истакне деталите и му дала на дизајнот 3Д ефект, пред целото возило да добие заштитен лак, за да може да учествува во сообраќајот.
Процесот траел шест месеци од првобитниот цртеж, а „тетовирањето“ е направено во тек на пет осумчасовни интензивни сесии.
