Луси Роџерс (32) неодамна направи Инстаграм профил @sayyestothewfhdress на кој секојдневно ги објавува своите гламурозни модни комбинации и покрај тоа што времето го поминува во домашен карантин, пренесува NewYorkPost.
„Го направив овој профил за да ги насмеам своите пријатели и семејство, но да бидам искрена, сега ова стана важен дел од мојот живот. Добив голем број пораки од луѓе кои ми рекоа дека им се допаѓа идејата, но и дека сакаат да мисе придружат“, откри Луси, инаку стручњак за дигитален маркетинг.
Луси ги покажа своите најомилени фустани, а воглавно станува збор за гламурозни креации, кои се носат на вечерни излагања и прослави.
Така таа јаде во најмодерните тоалети, чита книги, го чисти тоалетот.
Роџерс не е единствената која го води својот моден дневник на Инстаграм додека е во карантин.
Џесика Ванг, модната инфлуенсерка од Њујорк и блогерка, ги вади најдобрите модни комбинации од својот ормар, а потоа ги претставува на популарната друштвена мрежа.
Во една објава Ванг носи фустан на едно рамо, додека ги завршува домашните обврски.
Уште една инспирација стига и од инстаграм-профилот @wfhfits. Популарниот профил кој има 22,4 илјади следбеници, ги објавува најдобрите модни комбинации кои главно се пратени од други корисници на интернет платформата.
