Исфрлен како партал од автомобил на непозната територија. Го најдов преплашен, неприфатен од другите локални кучиња, а тој желен за љубов. На секое мое доаѓање – тој се радуваше, а на секое мое заминување – трчаше по мојот автомобил со надеж дека ќе се спаси. Секое одење таму беше болно и затоа решив да го сместам во пансион, додека му најдам дом каков што заслужува. За среќа, за многу брзо време го освои срцето на една личност и конечно го доби тоа што го заслужува. Дом полн со љубов.
