Како и секогаш искрената Криси Тиген, откри една работа поради која најмногу жали.
Ѕвездата беше на насловната страна од британското издание на магазинот „Glamour“, а во ексклузивното интервју манекенката откри дека сака да ги извади имплантите од своите гради.
„Ги направив градите кога имав 20 години. Го направив тоа, бидејќи бев модел за бикини и мислев: Доколку веќе позирам лежејќи на грб, сакам тие секогаш да бидат заоблени и убаво да изгледаат. Но, потоа родив две деца, градите ми се наполнија со млеко и испукаа, па затоа сега се зезнав“, изјави Криси.
Таа истакна дека сака да ги извади, но дека се плаши да иде на операција бидејќи сепак има деца и не сака да умре поради операција на градите. Магазинот „People“ истакна дека Криси секогаш била отворена што се однесува до операциите, но операцијата на градите никогаш ја нема спомнато.
Пред 3 години за „Refinery29“ Криси откри дека има направена липосукција на пазувите и дека тоа истовремено е најдобрата и најглупавата работа што некогаш во животот ја направила. Сепак, откри дека маснотиите на тој дел од телото ѝ се вратиле и дека сега повторно мора да плаќа за операција.
