Колку си убав однатре, двојно си поубав однадвор. Убавината е минлива работа и секој е убав на свој начин, вели актуелната Мис Балкан, манекенката Кристина Димитријевска.
Сепак, успеавме да откриеме некои навики кои Кристина ги практикува за нега на лицето и телото.
– Лицето го негувам со секојдневна хигиена. Утринска и вечерна рутина на чистење. Омилени производи што ги користам се пилинг, тоникот за чистење лице и крем за лице – вели Кристина.
Секојдневно држи фитнес-тренинзи како професионален фитнес-тренер веќе две години. Се шегува дека покрај тренер е и психолог, со оглед на тоа дека клиентите се врзуваат со тренерите.
– Доколку сте дисциплинирани и упорни, се успева во сè. Се одржувам така што се хранам здраво, пијам количински многу вода и сум физички активна, вежбам секојдневно по два часа.
Чувството после тренинг е незаменливо.
Нејзината искрана содржи повеќе протеини, помалку јаглехидрати, зеленчук, вода и суплементи како додаток во исхраната. Позитивната мисла ѝ е главна мотивација.
