Гордана Лишиќ од Топола, Србија, е земјоделка која сака да готви на својот шпорет на дрва. Таа е сладокусец и сака да испробува разни работи и да прави нови рецепти.
Еве некои од нејзините оригинални рецепти.
Џем од патлиџан со суво грозје
Состојки:
6 кг патлиџани
3 кг шеќер
6 кесички ванила
200 гр суво грозје
Подготовка:
Измиените домати сомелете ги на машина која ги одделува лушпите и семките. Добиениот густ сок ставете го во тенџење и варете го со шеќерот околу 30 минути, додека не испари водата. Додајте ванила и суво грозје, уште малку варете и откако ќе се олади ставете ги во тегли.
Задолжително пробајте палачинки со овој џем. Толку се вкусни што ќе заборавете на вообичаените намази.
Ќуфте во сос од патлиџани
Состојки:
За ќофтето:
500 гр мелено месо
1 јајце
1 главица кромид
1 чешне лук
2 лажици презли,
1 лажица сув зачин
1 лажица масло
сол, бибер, малку слатка павлака
За сос:
500 мл сок од домат,
3 чаши вода,
50 мл масло,
3 лажици брашно,
1 лажица шеќер,
сол
Подготовка:
Измешајте ги сите состојки и оставете ги да отстојат половина час во фрижидер. Со навлажнети дланки правете помали ќофтиња и кратко пропржете ги на малку загреано масло. За сосот пропржете брашно на зејтин, додајте сос од патлиџан, измешајте и поедно по едно ќофте. Полека долевајте вода. Зачинете, а кога ќе проврие намалете ја температурата и варете на тивок оган околу 40 минути.
