Магазинот „Sex Research“ спроведе истражување врз основа на кое дошле до заклучок дека мажите повеќе се вљубуваат во жени кои се помалку емотивно стабилни од нив.
Во ова истражување учествувале околу 1.000 мажи, кои одговориле дека сакаат кога се посилни од својата партнерка, бидејќи на тој начин тие се оние кои ја заштитуваат и водат низ врската.
Притоа, кај нив се појавува синдромот на автосугестија дека од нив се очекува да бидат и добри во сексот, па затоа и се трудат да имаат подобри перформанси, за да ја задоволат својата партнерка.
Во истата студија пак, се наведува и дека кога партнерите се рамноправни, сексот е уште подобар, бидејќи на тој начин меѓусебно се стимулираат и надополнуваат.
Тие се повикуваат и на поодамнешна студија според која емоционално послабите луѓе се посклони кон еротски фантазии и полесно прифаќаат експерименти во сексот.
