Изминативе денови бел цепелин кружи над Лос Анџелес, објавувајќи ја на тој начин северноамериканската турнеја на германскиот метал бенд „Рамштајн“.
„Рамштајн, северноамериканска стадион турнеја. #ПодготвисеАмерика“, пишува на цепелинот кој ги воодушеви жителите на Лос Анџелес.
Слики и снимки од цепелинот го преплавија интернетот.
„Рамштајн со цепелин лета над Лос Анџелес. Тоа е навистина кул – пишуваат некои од фановите на социјалните мрежи, додека други се понадевале дека и во останатите градови во кои треба да настапува германскиот бенд, фановите ќе бидат поздравени на сличен начин.
Нивната северноамериканска турнеја ќе трае од август до септември.
Во меѓувреме, фановите на „Рамштајн“ во Европа имаат прилика да уживаат во нивните одлични настапи и уште подобра музика.
